ەلباسى ن.نازارباەۆ ءوزىنىڭ "رۋحاني جاڭعىرۋ" باعدارلامالىق ماقالاسىندا: «سالت-ءداستۇرىمىز, ءتىلىمىز بەن مۋزىكامىز, ادەبيەتىمىز, جورالعىلارىمىز, ءبىر سوزبەن ايتقاندا, ۇلتتىق رۋحىمىز بويىمىزدا ماڭگى قالۋعا ءتيىس» دەگەن بولاتىن. وسىنداي ۇلتتىڭ ۇلى مۇراتىن ارقالاعان ايتۋلى جوبانىڭ قورىتىندى كونتسەرتىنە مەملەكەت جانە قوعام قايراتكەرى مىرزاتاي جولداسبەكوۆ جانە «قازاقستان» رترك» اق باسقارما توراعاسى ەرلان قارين قاتىسىپ, «Men qazaqpyn» مەگاجوباسىنىڭ جەڭىمپازدارىن تەرمە, كۇي, ءان جانرلارى بويىنشا ماراپاتتادى.
سونداي-اق گالا-كونتسەرتتە «Men qazaqpyn» جوباسىنىڭ قازىلار القاسىنىڭ مۇشەلەرى ۇلجان بايبوسىنوۆا, ايگۇل ۇلكەنباەۆا, ايگۇل ەلشىباەۆا جانە ءى - ماۋىسىمىنداعى جەڭىمپاز ارداق ەلەۋسىز ونەر كورسەتتى.
ايتا كەتەيىك, اقپارات جانە كوممۋنيكاتسيالار مينيسترىلىگىنىڭ قولداۋىمەن «قازاقستان رترك» اق بىرلەسىپ العاش رەت 2017 جىلى «Men qazaqpyn» حالىقارالىق تەلەۆيزيالىق مەگاجوباسىن جۇزەگە اسىرعان بولاتىن.
- جوبانىڭ ماقساتى – ەلىمىزدىڭ تۇكپىر-تۇكپىرىندەگى ءداستۇرلى ءانشى-تەرمەشى, كۇيشىلەردىڭ باسىن ءبىر ارنادا توعىستىرىپ, ەلىمىزدىڭ ءار ايماعىندا قالىپتاسقان ونەر مەكتەپتەرىنىڭ تاڭداۋلى تۋىندىلارىن دارىپتەۋ, اتادان-بالاعا مۇرا بولىپ كەلە جاتقان ءتول ونەرىمىز كۇي, جىر-تەرمەنى دامىتىپ, زامانعا ساي جاڭاشالاندىرىپ, وسكەلەڭ ۇرپاققا ناسيحاتتاۋ, - دەيدى ارنا باسشىسى ەرلان قارين.
سونىمەن اقتىق سىنعا جولداما العان 9 ۇمىتكەردىڭ ىشىنەن سۋىرىلىپ شىققان ءتورت ونەرپاز ۇزدىك بولىپ تانىلدى. كۇنسۇلۋ تۇرىكپەن ۇزدىك تەرمەشى اتانىپ 1 000 000 تەڭگەنى قانجىعالاسا,جəنىبەك جəميەۆ كۇي اتالىمىندا جەڭىمپاز بولىپ, 1 000 000 تەڭگە جۇلدەگە يە بولدى. ال, ءدəستۇرلى əنشىلەردەن ەكى ۇمىتكەر ۇزدىك اتانىپ, قازىلار القاسى جۇلدەنى 500 000 تەڭگەدەن ەكەۋىنە ءبولىپ بەردى. ءسويتىپ, الپىسبەك وڭايباي ۇلى مەن راۋان Əلىمباەۆ ءدəستۇرلى əن اتالىمى بويىنشا جەڭىمپاز بولدى.
ۇلاربەك نۇرعالىم ۇلى,
«ەگەمەن قازاقستان»
